add new repoHEADmaster

1 files changed, 67 insertions, 0 deletions

diff --git a/Bachelor/Prog2/Prakt4/Max.txt b/Bachelor/Prog2/Prakt4/Max.txt
new file mode 100644
index 0000000..9b1a536
--- /dev/null
+++ b/Bachelor/Prog2/Prakt4/Max.txt
@@ -0,0 +1,67 @@
+Maonche held im Stall sisch Hinggel,
+fittert se mit Waas un Dinggel
+un mit Kleie - dodewäije,
+dass se schaeine Aaije laeije.
+Sundaogs hot me daonn im Dippche,
+alsemol e Hinggelsippche,
+un die Färren, zaart un foi,
+stobbt me in die Pilwe noi,
+daonn im Winde leit me haolt
+liewe waarm im Bett wie kaolt
+Sou waar sellemols des aa
+bei dem Bolde soine Fraa:
+Hinggel hatt se Sticke drei
+un en Gickel noch debei.
+Säigt de Max zum Moritz kaolt:
+"Kumm, mer äijen jetz die Aolt!" -
+-Hordisch nemme se e Broud,
+schneires mirrem Messe noud
+in vier Sticke, gaar nit grouß,
+wie en klaone Finge blouß.
+
+Jede Mumbel werd vun unne
+iwwes Kreiz daonn feschdgebunne,
+un die läije se genaa
+in de Houf vun sellre Fraa. -
+Wie de Giggel guckt do druff,
+sperrt e glei de Schnawwel uff,
+kreeht un kreischt gickerigie,
+un die Hinggel renne hie.
+
+Jede schlickt soin Brogge nunne-
+äwwe daon, das is kao Wunne,
+henggt des ao aom aonnen drou
+un fengt glei ze ziehe ou.
+
+Riwwe, niwwe, hie un her
+renne se die Kreiz un Quer,
+gacken, fladden in die Häih -
+äwwe lous kimmt kaone mäih!
+
+Aome laonge derre Ascht
+hengge se, verstrumbt schun fascht;
+mirrem Hals sou laong wie Mosse
+misse se eer Läwe losse.
+E letscht Aig noch - des is alles,
+un daonn häwwe se de Dalles!
+
+De aold Bolden in de Stobb
+häijet waos un häibt de Kobb.
+Un schun sterzt se aus de Kaomme -
+ach, waos is des fer en Jaomme!
+
+
+"Ich arrm Witfraa bin geschlaoe -
+issch kaonn´s jao kaom Mensche saoe!
+Drowwe uffm Ebbelboam
+henggt moin alleschäinschte Draom!"
+Gaons vesteert un halwe kraonk
+helt se´s Messe aus em Schaonk
+schneid die Hinggel aob vum Ascht
+groint sisch aus die Aache fascht,
+dabbt ins Haus im diefschte Schmerz,
+drickt des Veehzeig aon eer Herz.
+Is de erschte Straasch vebei,
+kimmt de zwatte siche glei.
+
+Quelle: Elisabeth Kunz: De Ourewälle Max un Moritz Odenwald-Verlag 2. Auflage 1996
\ No newline at end of file